پیکێە و شاکیرا ڕێک کەفن گرانترین کۆشکیان بفرووشن

شەفەق نیوز/ راپۆرتەیل راگەیانن ئاشکرا کردن ک خانمە هەسارەی گورانیچڕ کۆلۆمبی شاکیرا، و بازیگەر توپان ئیسپانی جیرار پیکێە ڕێک کەفتنە کۆشکیان لە پەرشەلۆنە بفرووشن.

رووژنامەی دەیلی مەیل بەریتانی وت: ئەو بڕیارە دویای ئەوە هات ک هەردوگ لایەنەگە رەسێدە رێککەفتن لەبان ئیوەتکردن دوو مناڵیان ک ئەوەسا وەگەرداڵگیان پەرلەمانە بیلنە جی و بچنە ئەمریکا.

کۆشکەگەی شاکیرا و پیکێە کەفێدە شارەوانی "Esplugues de Llobregat"، ک یەک ستودێۆ و هۆڵ وەرزشی و دوو یاریگای تەنس و یاریگای تووپان بویچگ هاناوی.

سەرچەوەگە دیاری کرد ک مەزەنە هەس ئەو ماڵ گەپ پەنج قاتیە وە نرخیگ لە ١٢ تا ١٣،٥ مەلیۆن یۆرۆ بخریەێدە بازاڕ.