وەی شیوە رووەک ئالۆڤێرا وەکاربار
2023-08-10T06:27:03+00:00
شەفەق نیوز/ ئالۆڤێرا وە رووەکیگ نەمر ناسریاگە، داریگ هەمیشە سەوزە و چەندین سوود تەندروسی دیرێد ئەرا لەش و پووس و توەنریەد لە دروسکردن چەندین ماسک جیاواز وەکارباریەد، وەتایوەت خانمەیل توەنن ئەرا پووس و گیسیان وەکاری بارن.
پێگەی "هێڵس پڵەس" چەن ریەگ جیاواز وەکارهاوردن ئی رووەکە خستیەسە رووی ک هاتێ وەی شیوە سوود فرەتریگ بیاشتوود.
ماسک ئالۆڤێرا ئەرا گیس:
ئالۆڤێرا سوڕ خوین گورترەو کەێد، خاستر خوین ئەرای خانەیل پووس سەر چوود ئیەش هیلێد ئەوزەڵکردن گیس زیادبکەێد و نەرمی زیاتریگ بدەێد وە قژ.
شیواز دروسکردنی
-ئاو یەک لیموو وەگەرد ¼ کوپ جێڵ ئالۆڤێرا و 3-5 دڵۆپ روین زەیت زەیتوون یان زەیت گوێز هیندی تیکڵا بکە.
-گیسد پاک بشووری وە تەڕی و چامداری بهیلێ و گیراوەگە بيە لە پووس سەر و تاڵەیل گیسد، ماوەی پەنج دەقە گیراوەگە وە گیسد بیل ئیجا وە ئاویگ مڵەما بشوڕێ.
