ویڵ سمیس باس قورئان خوەنین کەێد و ئوشێد "گشتی خوەنستمە"
2024-03-18T12:09:25+00:00
شەفەق نیوز/ ئەکتەر ناودیار جەهانی ویڵ سمیس لە پۆدکاستیگ راگەینێد لە مانگ رەمەزان قورئان خوەنستیە و فرە سەرنجی وەلای خوەی کیشایە وە تایوەت شیواز باسکردن چیرۆکەیل راستەقینە لەناوی.
ویڵ سمیس لە پۆدکاستیگ لەگەڵ عەمرو ئەدیب، سمیس ئاشکەرایکرد، دوو ساڵ وەرین گشت قورئان خوەنستیە و فرە وەلایەو رەنگین بویە چوینکە گشت چشتەیلە رووشن بوینە.
وتیش، "وە دوو ساڵ سەخت رەدبوی، لەوەر یە لێوا وەپیم کرد زیاتر تەرکیز بخەمە بان خوەم و ناخ خوەم لەو وەختەیلە کتاوەیل پیرۆز خوەنم لەناویانیش قورئان پیرۆز".
دیاریکرد، وەلایەو ئەلاجوی بویە ناو مووسا پێغەمبەر و عیسا پێغەمبەر لەناو قورئان بویە و سەرنجی فرە وەلای خوەی کیشایەس.
