چەوچەیگ سەر لە پولیس شیونێد.. پەیاکردن ستوینیگ بریقەدار لە لاس ڤیگاس

پولیس لاس ڤیگاس وت: چشتیگ ئەڵاجەوی بریقەدار نزیک لاس ڤیگاس لە دەیشتایی بیاوان نیڤادا پەیا کریا.

پولیس دیاری کرد کە هویچیگ لەبان ئەو ستوینە نیەزانێد نەیش زانێد چوین ئەرا ئی شوینە هاتگە، وتیش: هاتێ مەردمەیل ناو سۆشیال میدیا چشتیگ لەلی بزانن.

لە پۆستیگ لەبان پلاتفۆرم ئێکس، پولیس وت: چشتەیل ئەڵاجەوی فرەیگ بوود، هەناێ مەردم فرە ری کەن کە کەفنە شەکەتی و مەینەتی یا ئاویان نیەمینێد، وەلێ ئی چشتە چە بوود؟.

لە ساڵ ٢٠٢٠، چەن ستوینیگ بریقەدار پەیا کریا، دیارترینیان لە ویلایەت بوتا بوی، کە بەرزیەگەی ١٢ پا بوی، وەگورەی سکای نیوز بەریتانی.

لە دویای ئەوە لە رۆمانیا و ناوڕاس کالیفۆرنیا و لە جادەی فریمۆنت ناوڕاس لاس ڤیگاس ئیجویر چشتیگ پەیا کریا.

لە ئادار ئمساڵیش، چشتیگ وە درویژی ١٠ پا لەبان تەپەیگ باشوور خوەرهەڵات وێڵز پەیا کریا.