وەرەلا کردن پەز دە نام پارکەێلەێ تێهران
2021-04-20T06:59:45+00:00
شەفەق نیوز- دوماێ بڵاو کریان کلیپێ لە لەوەڕیان بێ‌نەنیشت پەس و پووڵەێلە دە تێهران، شارداری ناوچەێ سێزدەێ تێهران، هاتە دەنگ.
سەفایی، موعاون شارداری ناوجەێ سێزدەێ تێهران وتگە: لەوەڕیان کاوڕ دە نام دارسانەێلە، ئەو هرێز و گژ و گیاێلە ک دە پایمان دار و درەختەێلە دە وهار، سەوز و رەوز کردگە لە ملەو دکەێ ئوو خاسە بزانن ک ئی گیاێلە تاوسانان، وەختێ هشک‌ئەڵهاتن دبنە خەشک و پڕ و پووش، ئوو فرە وە ول ئاگر دگرن و وەێ خاترە لە ناوە ئەڵگرتنێیان خوەێ یارمەتی گەپێگە وە ئیمە ئەڕا نواگیری لە ئاگرسووزی ئی پارکەێلە.
ئەوی وتگە: ئیمە دە پارک جەنگەڵی سورخەحسار ک فرە گەپە و ئایمیش کەم دچووگە نامێ، جوور رێکارێ ئەڕا پایلوت، یە ئجرا کردیمنە و ئەر دیمن ک جواو ددەێ جگەجگە دە گشت پارک و باخ و بووسانەێلەێ تێهران، دەیمنەێ کار.
