وە دیهاتەی نوویگ دووسەیلیگ ناویان لەبان پشت کیسەڵ کیشانە

شەفەق نیوز/ هەمیشە دڵدارەیل، یا برادەرەیل، ناویان لە رۊ دار یا دیوار، یا وەڕۊ سەنگ کیشن، تا ئەو ناوەیلە، یا ئەو پەیمانەیلە تا رووزگاریگ درۊژ، یا تا هەمیشە بمینن. 

هاتێ جۊر پەیمانیگ وەفاداری، ک جاروبار نووڕیمن، ناو دوو کەس، وەگەرد وینەی دڵیگ، لە رۊ داریگ یا دیواریگ، یا سەنگیگ کیشیاگە، و جاروباریش ناو چەن کەسیگ دووس و برادەر، تا ئەوە بوودە یادیگ ئەرا دیداریان لەو شۊنە. 

لە دیهاتەی نوویگ، چەن کەسیگ ئیجا لەبان پشت کیسەڵیگ، ناو خوەیان وەگەرد چەن پیت و دروشمیگ کیشانە.  راسە ک کیسەڵ تەمەنی درۊژە، باوجی شۊنەگەی دیار نیە، و هەمیشە وە یەواشیگ گەردێدە شۊنەیل. 

ئۊشن؛ کیسەڵ تەمەنی درۊژە، چۊنکە پاپەی هۊچیگ نییە، و هەمیشە خوەی داسە دەس خودا، و ئەراخوەی وەیەواشیگ وەڕی خوەی تیەێد و چوود.