وەدیکردن قەور ئەفلاتوون
وەگوێرەی رووژنامەی "دەیلی مەیل" بەریتانی، توێژەر گرازیانۆ ڕانۆچیا، ژیری دەسکرد وەکار هاوردیە ئەرا شیەوکردن دەسنویسەیلیهێرکولۆن، کە کاغەز سزیایین کە دویای تەقینەوەی کویەی ڤیزۆڤیۆس لە ساڵ ٧٩ی زایینی وەژیر خاک پەیا کریان، و دەقیگ نوو ئاشکراکردگە کە نشانەس ئەرا شوینیگ دیاریکریای لە ئەسینای پایتەخت .
شیکارییەگە دەرکەفت کە ئەفلاتون لە "ئەکادیمیا"، ئەو مەکتەو وەناوبانگە کە فەیلەسوف لە ساڵ ٣٨٧ وەرجە زایین دامەزرانبە، لە نزیک "مۆزەخانە" نریاسە خاک کە بینایط بويچگ پیرووزە و دی لەناو کاولبوین نەمەنیە.
ڕانۆچیا و تیمەگەی ڕایانگەیانیە کە هەزار واژە پەیا کردنە کە یەکسانە وە ٣٠%ی دەقەگە، وە وەکارهاوردن "چەو ئەلیکترۆنی" و بڕوا دیرن تا ساڵ ٢٠٢٦ وە تەواوی شیکاری کریەێد.
ئەو ئەکادیمیا کەفێدە جەرگەی ئەسینای پایتەخت لەبان موڵکێک کە ئەفلاتون لە ساڵی ٣٨٧ وەرجە زایین کەفتیەسە دەسی، و وە یەکەم دامەزراوەی خوەنستن باڵا ناسریاس، وەگورەی رووژنامەگە.
لەی شیکاریی نووە دەرکەفتیە کە هاتێ ئەفلاتون لە ساڵ ٣٩٩ وەرجە زایین دویای مردن سۆکرات، یا لە ساڵ ٤٠٤ وەرجە زایین لە مەوقەی داگیرکردن ئیجینای سپارتەیل وە کۆیلایەتی فرووشیاس.
وەگورەی ماڵپەڕ Science.org، توێژەرەیل فۆتۆگرافی ژیر سوور وەکار هاوردنە، کە ری وەپییان داگە لە ری نوای پاپیرۆسە سزیایەگە "نووڕین" تا رەسێدە ئەو نویسینە لەبان پشتیەو.
