وەجیماگەی كەشتییەیگ رۆمای كویەن پەیاکریا
![وەجیماگەی كەشتییەیگ رۆمای كویەن پەیاکریا](https://media.shafaq.com/media/arcella/1690965150666.jpg)
2023-08-02T08:32:59+00:00
شەفەق نیوز/ دەزگای پۆلیس بەش هونەر و میرات ئیتاڵیا راگەیان، وەجیماگەی کەشتیگ بارهەڵگر رۆمای کویەن ک مێژووەگەی چوودەو ئەرا زیاتر لە دوو هەزار ساڵ وەرجە ئیسە لە کناراوەیل نزیک ئەو شارە پەیاکریا.
کەشتیەگە لە نزیک بەندەر چیڤیتاڤێكیا ک نزیكەی (80) كیلومەتر لە باكوور خوەرئاوای پایتەخت ئیتاڵیا دویرە، لە قویلایی (160) مەتر ئاو دەریاگە پەیاکریا.
كەشتییەگە مەزەنەکریەد زیاتر لە (20) مەتر درویژ بوود مێژووەگەی چوود ئەرا سەدەی یەک یا دوو وەرجە زایینی، هەڵگر سەدان کویزەی کویەن رۆماس ک فرەیان جویر خوەیان مەننە و تێک نەچینە.
وەپای پۆلیس ئیتاڵیا، رەسین ئەرا كەشتییەگە لە ری وەکارهاوردن رۆبۆتیگ كۆنترۆڵكریاگ لە دویرەو، پەیاکریایە ووینەی گیریاس.