وەتسئەپ تایبەتمەنی نوویگ زیایکەێد
2024-07-03T12:27:39+00:00
شەفەق نیوز/ وەکارهاوەرەیل وەتسئەپ لەزویە گیچەڵ پەیوەنیکردن دیرن، کە نیەتوەنن پەیوەنی وە کەسیگ بکەن شمارەی وەناو لیست ناوەیلە سەیڤ نەکریابوود.
وەپای باوەتیگ ماڵپەڕ "العربیە" وەتسئەپ لە نووترین گامی ئەرا خاسترکردن ئەزموون وەکارهاوەرەیل و تواناگان بەرنامەگە، لە نووترین وەشانی وەکارهاوەرەیل توەنن پەیوەنی وە هەر شمارەیگ بکەن وەبی سەیڤکردن ناوەگەی لەناو لیست ناوەیلە.
دوگمەیگ ئەرا شاشەی پەیوەندیەگان ناو ئەپەگە زیای کریایە تا ئاسانکاری ئەرا پرۆسەگە بوود، ئیرنگە تایبەتمەنیەگە تەنیا ئەرا شمارەیگ وەردەسە کە نوویەیوکردە ئەرا وەشان ٢.٢٤.١٣.١٧.
