وە کتاویگ یەکەمین خانم فەرەنسا لە سەرۆک دەوڵەمەنترەو بوی

شەفەق نیوز/  “ڤالێری تریولر” خانم یەکەم وەرین فەرەنسا، لەوەر کتاویگ ک لەبان ژیاننامەی خوەی و هاوسەرەگەی “فرانسوا هۆلاند” نویسایە هیشت لە ساڵ 2014 لە سەرۆک فەرەنسا دەوڵەمەنتر بوود. 

لە ماوەی نزیکەی مانگیگ لە دەرچگن کتاوەگە ، 442 هەزار دانە لەلی فروشیا، داهاتەگەی  1.3 ملیۆن یۆرۆ بوی، لە وەختیگ ک سەروەت و سامان سەرۆک فەڕەنسا 1.17 ملیۆن یۆرۆ بویە.

رووژنامەی “The Local” باس لەوە کردیە، دەرچگن کتاوەگە بریتی بویە لە یەکلاییکردن گرفت لەمابەین دوو هاوسەر، چوینکە “فرانسوا هۆلاند” رەفتاریگ داشت سووکایەتی وە ڕەچەلەک نەداری خوەی بکەێد ک وە “کۆزێت” ناوزەدی  ئەکرد، یەیش هەمان ئەو ناوەس ک “ڤیکتۆر هۆگۆ” نووسەر کردیەسێ ناو پاڵەوان ڕۆمانە وەناوبانگەگەی “نەدارەیلە”. 

کتاوەگەی “ڤالێری تریولر”  وە ناونیشان “سوپاس ئەرا ئەو ساتە ـ Merci pour ce moment” دەرچگە، و هویردەکاری  تەواو لەبان  باسکردن خۆشەویستی لەمابەین هەردگیان گرێدە خوی، ک لە ساڵی 2005 لە مابەینیان دەس وەپی کردیە.