وە تاویان جویرییگ یەخ مەترسی گەپیگ دروسبوود
2023-10-21T08:00:49+00:00
شەفەق نیوز/ زانایەیل هووشداری دەن چەن جویرە ڤایرۆسیگ ئەرا ماوەی هەزاران ساڵ لە بەستەڵەک سیبیریا وە بەسیاگی مەننە، لە ئگەر تاویانیان مەترسی گەپیگ لەبان ئایەم دروس کەن.
وەپوی ئەوەگ لە ماڵپەڕ "رووسیا تودەی" هاتیە، زانای ڤایرۆسناس "ژان میشێل کلاڤێری" باس لەوەکەێد وەگەرد گەرمەوبوین کەشوهەوای جەهان، جویریگ لە یەخ کە دەیان هەزار ساڵ وەرجە پەیابوین شارستانیەت بەسیانە، هاتێ بتاویەێد و ڤایرۆسە کوەنەیل ناوی ئازادەوبوون.
ئەرا نموونە ئاشکەرایکردیە، ئەگەر ڤایرۆسیگ لە گوزەشتە ئایەمەیل نیاندەرتاڵ کوشتوێد، ئەوە تەرمەیلیان وە یەخبوی مەننیە و تاویەنەو و بوونە هووکار دوارە گەرجەوبوین ڤایرۆسەگە، ئێ ڤایرۆسیشە لە گوزەشتە لەناو لویت مامۆسەیل و مومیای سیبیریا و رەگەز کوەن گورگ دەرکەفتیە، و زانایەیل تیشک خستنەس بان شەش جویر یەخبوی لەو باوەڕەن گەپترین مەترسی دروسکەن.
هەسارەی زەوی ئیرنگە ١.٢ پلەی سەدی گەرمترە لە سەردەم وەرجە سەرهەڵدان پیشەسازی، زانایەیل مەزەنە کەن تا ساڵ٢٠٣٠ جەمسەر باکوور وەبی یەخ بمینێد.
