وڵاتیگ ئەوروپی نزیکە بویشێد جگارەکیشان لەناوی نەمەنیە
ماڵپەڕ "euronews" باس ئەوە کرد ک "جگارە و مادەی "snus " سنۆس ئاڵشت کردگە، لە وڵاتەیل باکوور باو بویە و جویریگە لە تەماکوو هشک کە نریەێدە بان ئاروو".
وەگورەی ڕاپۆرتیگ ک ماڵپەڕەگە بڵاوی کردگە، بڕیارە سوید لە چەن مانگ بانان بڕەسێدە ئەو بڕگە ک بوودە "وڵاتیگ دویر لە جگارەکیشان"، یەیش ١٧ ساڵ وەرجە ئامانج یەکێتی ئەوروپاس ئەرا ساڵ ٢٠٤٠، رێژەی جگارەکیشان لە ١٥% ئەرا ٥.٦% کەم بوودەو، لە ماوەی ١٥ ساڵ گوزەشتە.
سوید وەرەو کۆمەڵگایگ "بی جگارەکیشان".
دکتۆر دیلۆن هیومان، هاوکار لە نویسین ڕاپۆرت “ئەزموون سویدی: نەخشە رییگ وەرەو کۆمەڵگەیگ بی دویکەڵ” لەی باوەتە ئویشێد: “هویچ وڵاتیگتر لە یەکێتی ئەوروپا نییە ک نزیک بوود ئەو کارە بڕەسنێدە ئەنجام”.
هەرلیوا، باس "ستراتیژی پیشەنگ" سوید کرد ئەرا رەفتارکردن وەرد جگارەکیشان، ک دەسنشان کرد چوین توەنریەێد دەسمیەتی جگارەکیشان بیریەرد تا ئەرا جیگرەگەی لە نیکۆتین "کەمتر زیانبەخش" ئاڵشت بوود.
دکتۆر هیومان لە قسەیلی وتیش: یە لە وەختیگ ک لەو وڵاتەیل وەکارهاوردن بەرهەمە کەم رخبەرەیل قەیەغە کەن.
لە وەختیگ لە وڵاتەیل باکوور باو بویە وە وەکارهاوردن (سنۆس) و هەرچەن فرووشتنی لە گشت وڵاتەیل یەکێتی ئەوروپا نایاساییە، بەڵام سوید و کرواتیا ری وەپی دانە، هەرلیوا لە فینلاند و دانیمارک و ئیستۆنیاش وەکار تیەێد.
وەگورەی یۆرۆنیوز، هوکار قەیەغەکردن بڕیگ وڵات لە وەکارهاوردن ئی مادە، پەیوەندی وە زیادبوین رخ تویشبوین وە شێرپەنجەی دەم و قوڕگ دیرێد.
دویای راگەیانن جەنگ دژوە جگارەکیشان، پورتوگال لەی دویاییە وەکارهاوردن جگارەی ئەلیکترۆنی لە ناوچەیل دەورگرد نزیک باڵەخانەیل گشتی قەیەغە کرد، یەیش لە گامەیل فرەیگ لەو وڵاتەیل ئەوروپا.
دکتۆر هیومان ئەرا یۆرۆنیوز وتیش: "هویچ بەرهەمیگ تەماکوو بیوەی نییە، بەڵام جگارەی ئەلیکترۆنی ئەرا نموونە وە ڕێژەی 95% کەمتر لە جگارە زیان دیرێد".
وتیش: "فرە خاسترە جگارەکیشیگ لە جگەرەی جارانی باێدە بەرهەم جیگر نەگ وەردەوام بوود لە جگارەکیشان".
سوود ستراتیژی گەورە
دکتۆر هیومان ئاشکرا کرد: "سوودیگ ستراتیژی گەورە ئەرا سوید هەس"، ک ئامارەیل نشان دەن ئەو وڵاتە کەمترین رێژەی تویشهاتن وە بیماریەیل وە تەماکوو لە یەکێتی ئەوروپا هەس.
هەرلیوا، ریژەی مردن لە سوید وە بیماریەیل تەماکوو وە 40% کەمترە، جویر جەڵتەی میژگ و بیماریەیل دڵ و سویە، ئیمفیزیما و هەوکردن درویژماوە و لویلەیل هەناسە.
لە وەختیگ دابینکردن ریەیلیگ زیاتر ئەرا جگارەکیشەیل دەوریگ داشتگە، جویر پەروەردە و رووشنکردن ئەرا کۆنترۆڵکردن جگارەکیشان دەسمیەتی خەڵک داگە تا واز لە جگارەکیشان بارن.
