وڵات چین واز لە سیاسەت یەک مناڵ تیارێد وگاڵ ئەرا زایین سێ مناڵ دەێد
![وڵات چین واز لە سیاسەت یەک مناڵ تیارێد وگاڵ ئەرا زایین سێ مناڵ دەێد](https://media.shafaq.com/media/arcella/1657177188531.jpg)
شەفەق نیوز/ رووژنامەی "نیویۆرک تایمز" وت: وڵات چین تەقەلا دەید کاریگ ئەرا وسانن ئەو قەیران دیموگرافی بیوەرینە بکەید، ودویای دەیان ساڵ لە ناچارکردن ژنەیل لەبان لەباربردن مناڵ جویر بەشیگ لە سیاسەت "تاقانە" پەکین ئیسە گاڵ ئەرا زایین سێ مناڵ دەێد.
وەگورەی راپۆرت رووژنامەگە، پەکین ئەو ژنەیلە ک شوی نەکردنە لەو ناچاریە وەخشێد تا مناڵ زیاتر بزان.
یاسای چین مەرج لەبان ژن دوگیان وشویەگەی چەسپنێد ک مارەیان وەشیوەیگ فەرمی توومار بکەن، تا چەودیریکردن وەرجە مناڵ زایین لە خەسەخانەیگ گشتی بکەفێدە دەسیان.
وەگەرد ئەو داوەزین میژوویە لە ئاست مناڵ نوو لە چین، وەرپرسەیل دەسکردنە بەشەوکردن هاندەرەیلیگ لە نیشتەجیبوین وخوەنەواری وپویلیش تا گاڵ ژنەیل لەبان زایین مناڵەیلیگ فرەتر بیەن.
وەگەرد ئەوەیش ئەو جیاوازیە تەنیا ئەرا ئەوانە وازە ک هاوسەرگیری کردنە، ک ئەوە مەرجیگ سەرەکیە ک فرە لەژنەیل سەروەخوەی وەخوەی نیەکیشێد، ک خوەشیان تیەێد وە سەڵتی مناڵ بزان.
راپۆرتەگەی "نیویۆرک تایمز" هەمیش ئویشێد " ئەو مناڵەیلە ک باوگ وداڵگیان مارە نەوڕینە، یە ماوەی فرەیگە زیان وەخوەیان دوینن تا چەودیریکردن پزشکی وخوەنەواری بکەفێدە دەسیان.
هەمیش ئەو ژنەیلە ک شوی نەکردنە و دووگیانن، بیبەشیان لە چەودیریکردن تەندروسی و هوچان داڵگانە، وپشتگیری یاسایی کریەێد، ک هاتێ خاوەن کارەگە وەو دەسپیچگە قاویان بەێد.