وڵات میسر داوای سەر نیڤەرتیتی کەێد
شەفەق نیوز/ زاهی حەواس وەزیر ئاسەواری وەرین لە وڵات میسر، پەڵپ گلەوداین سەر نیڤەرتیتی شاژن فیرعەونی لە مۆزەخانەی پەرلین ئەرا وڵاتەگەی کرد، و داواکردنیگ خستە وەردەس مەردم لەبان سایت ئەلیکترۆنی.
شاندیگ ئاسەواری ئەڵمانی، لە ساڵ ١٩١٢ پەیکەر نیڤەرتیتی پەیا کرد کە وە سەنگ دروس کریاس، ئەوەیش لە ناوچەی تەل عمارنە لە پارێزگای منیا، و لە ساڵیگ دویای ئەوە باری کرد و ئەرا پەرلین بردەی.
تەل عمارنە ئەو پایتەخت میژووی فیرعەونیە بوی کە ئەخناتۆن شوی نیڤەرتیتی هاتە ناویر و تا ساڵ ١٣٣٥ وەرجە زاینی حکومڕانی کرد.
ئەخناتون کە وەپی ئویشن (شاه زەندیق) داوای پەرەسین خودای ئاتوون کرد، و ئاڵشتکردنیگ ریشەیی خستە ناو هونەر میسری.
حەواس داوای گلەوداین سەر نیڤەرتیتی لەناو ئەو پۆستە کرد کە وەشیوەیگ نیمچە فەرمی لەناوی ئویشێد کە وەشیوەیگ نایاسایی لە میسر دەرچگە.
وتیش: وڵات میسر داوای گلەوداین سەر نیڤەرتیتی کەێد، و یەیش دەسەیگ نیشتمانیە نەک حکومەتی.
