گوگڵ ئاپ ئەندرۆیدیگ قەیەغە کەێد لەوەر دزیکردن

گوگڵ ئاپ ئەندرۆیدیگ قەیەغە کەێد لەوەر دزیکردن
2022-03-11T07:01:50+00:00

شەفەق نیوز/ لەوەر بەرنامەیگ زەرەدوەخش ک دزی لە خاوەن مۆبایلەیلە کەن، گوگڵ ئاپ ئەندرۆیدیگ لە "پلەی ستۆر" قەیەغە کەێد. 

وەگورەی هەواڵیگ لە وێبسایت "Tech Times"، گوگڵ ئاپی " Antivirus Super Cleaner"ـ لە پلەی ستۆری ئەندرۆید قەیەغە کردیە و لەوەلا مۆبایلەیل ئەندرۆید نێتۊنن لەبان مۆبایلیان جیگیری بکەن. 

ئاپەگە بەرنامەی زەرەرد وەخش SharkBot  لەناوی بۊیە ک توانای کلکردن پۊل ناو هەشمار مۆبایل کەسەیل دیرێد، لەوەر ئەوە ئەو مۆبایلەی ئی بەرنامەیەی لەناوی بوود  خاوەنەگەی فرە وە ئاسانی پۊل لەلی دزیەێد. 

گوگڵ هوشداری دەێد ئەو کەسەیلە مۆبایلەگانیان وە سیستەم ئەندرۆید کار کەێد و ئۊشێد ئەگەر ئاپ Antivirus Super Cleaner هاناو مۆبایلەگەد بسڕەوەی.

  Sharkbot بەرنامەیگ زەرەرد وەخشە و وەگەرد چگنی ئەرا ناو مۆبایل و ئامێرە ئەلکترۆنیەیل، چەن تاکتیکیگ ئەرا دزین پۊل هەشمار بانکی ناو مۆبایلەگان وەکارتیرێد، وەبی ئەوەگ خاوەنەگەی وەپی بزانێد.

Shafaq Live
Shafaq Live