هووکارەیل زۊێ چەرمگی قژ
شەفەق نیوز/ ئاڵشتبۊین رەنگ تاڵە مۊیەیل سەر ئەرا ڕەنگ چەرمگ لە تەمەنیگ فرە کەم شایەت ناخوەشیگ ببیەێسەدەێد ئەو کەسە و هەس بکەێد تەمەنی وەرەو بان چگە باوجی یە دروس نییە، و تاڵ چەرمی مۊ پەیوەنی وە تەمەنەو نەیرێد، بڕیگ جار زۊتر لە وەخت خوەی دەرکەفێد. ئەو هووکارەیلە هیلێد زۊتر تاڵ چەرمگ لە گیس دەربکەفێد؟
ناڕێکی و گرفت لە جینەیل و وەجیمەنی لەەوە.
کەم خۊنی یق کەم ئاسنی و ڤیتامین یا ئۆمیگا3 و کالسیۆم و مس و ترشەمەنیەیل لە خۊین هووکار سەرەکیین ئەرا زۊی دەرچگن تاڵ چەرمگ.
نووشین مەی و سیگار کیشان یا نووشین وزەبەخشەیل و کافایین جۊر قاوە و چای.
گرفتەیل دەرۊنی و فشار ناخوەش لەبان دەماخ شایەت ترس لە چشتیگ ئەوە دروسبکەێد، وەتەنیا کار لە ڕەنگ گیس نیکەێد بەڵکم ڕەنگ پووسیش ئاڵشت کەێد.
داشتن بیماری لە گەیە و کردار هەرس، یا لیکە ڕژێنە دەرەکی (غودە) تەنانەت هەوکردن زوان و دگان یا هەوکردن پووس سەر دەور سەرەکی دیرێد.
وەکارهاوردن دەرمان و شامپۆ و کرێم ناتەندروس و خەراو یان ڕەنگ.
