هووکار سەرگیژخواردن لەناوکاو چەیگە
شەفەق نیوز/ بڕیگ کەس لەوەخت سەرچەماننن هەس وە سەرگیژی کەن، هووکارەیل ئێ گیچەڵە چەیگە؟
وەپای خەوەریگ لە "ئەلجەزیرە نێت" هاتیە، کۆمەڵەی پزیشک گشتی و خێزانی ئەڵمانی ئاشکرایکرد، هەسکردن وە سەرگیژە لەوەخت چەماننن چەندین هووکار دیرێد، جویر:
یەکەم: داوەزیان فیشار خوین، سەرگیژخواردن لەوەخت سەرچەمانن هاتێ وە مدوو داوەزیان لەناوکاو فیشار خوین بوود لەوەخت وسیان یا دانیشتن وە رێکی، کە وە داوەزیان فیشار خوین ئۆرتۆستاتیک ناسریاگە، وە مدوو بەدی رێکخستن پەستان خوین رویدەێد. هووکارەگەی ئێ بیماریەیلەس:
١. بیماریەیل دڵ وخوینبەرەیل جویر سستبوین دڵ.
٢.شەکرە
٣.بیماریەیل جویر پارکینسۆن یان لەهویرەوچگن
٤.لەکارکەفتن گورچگ
دویەم: بڕیگ دەرمان بوونە هووکار سەرگیژە لەوەخت چەمانن یا وسیان ئەگەر ماوەی درویژیگ بخورێد جویر.
لە بڕیگ پسا هەوەجە وە سەردان پزیشک کەێد وە تایوەت ئەگەر فرە روی بدەێد و ماوەگەیشی دروژ بوود یا بیهووشی وەگەردی بوود.
