هووکار زوی پیربوین ئاشکەرا بوی

هووکار زوی پیربوین ئاشکەرا بوی
2023-02-24T15:21:38+00:00
شەفەق نیوز/ نیشانەیل پیری یەکیگە لەو نیشانەیلە  ک وە دەرکەفتنی مەردم خوسەدار بوون هەس کەن وەرەو قۆناغیگ نوو لە تەمەن گام هەڵگردنە.

وەپای قسەی پزیشکەیل چەن هووکاریگ هەس هیلێد قۆناغ پیر بوین ئایەم وە تایبەت چەرمگ بوین موی پیشبکەفێد یەکیگ لەوانەیش بیماری دڵە.

پزیشکەیل ئویشن، نەخوەشکەفتن دڵ و تێکچگن سیستم وەرگیری لەش و هەوکردن مێشک، سێ هووکار سەرەکین و کاریگەری دەرکەفتن نیشانەیل پیری پیش وەختەن.

دیاریکەن ک چەن هووکاریگتر هەس لە پشت چەرمگبوی موی جویر کەمی ڤیتامین دی و کەمی کەفتنەوەر تیشک خوەر، وەپای ئەوەگ توێژینەوەیگ هیندی  ئەنجامدریاگە ئاشکەرایکردیە کەمی ڤیتامین دی کاریگەری دیرێد لەبان رەنگ گیس ئاڵشتبوینیان لە سیا و قاوەیی ئەرا خوەڵەکویی و لە دویاجار ئەرا چەرمگ.

Shafaq Live
Shafaq Live