هواوى تووڕ G5 ره‌سنێده 30 وڵات
2019-06-12T23:25:16+00:00
شه‌فه‌ق نیوز/ کۆمپانیاى هواوى چینى ئاشكراى ئه‌وه كرد وه‌ل ئه‌و هه‌مگه قه‌یرانه‌یل بازرگانى و ئابووریه ك كۆمپانیاگه گرته‌سه‌و، نزیكه‌ى 30 وڵات له جه‌هان ئاماده‌گى خوه‌یان ده‌رخستنه ك تووڕ په‌یوه‌ندیه‌یل نه‌وه‌ى په‌نجم G5 له وڵاته‌گه‌یان وه گریه‌به‌س بنیات بنریه‌ێد.
لەو باوه‌ته‌و, ئاژانس "شینگوا"ى چینى ئه‌وه ده‌رخست ك ئەو کۆمپانیا نزیکەى 46 گریه‌بەس لە 30 وڵات ئمزا کردگه ئه‌را بنیاتناین ئه‌و تووڕ پیشكه‌فتگه.
جى باسه، تووڕ په‌یوه‌ندیه‌یل نه‌وه‌ى په‌نجم G5 وه ئه‌وه ناسریاگه ك گورجیه‌گه‌ى ره‌سیێده 20 گێگابایت له چركه‌یگ، یه‌یش ماناى ئه‌وه‌سه ك وه‌كاربه‌ر ئه‌تویه‌نێد فیلمیگ كوالێت به‌رز له چه‌ن چركه‌یگ داوه‌زنێد.
