هه‌ر داربه‌ڕوو چه‌نه په‌نج ئایم دهه‌رزێ
شه‌فه‌ق نیوز- (دار به‌‌ڕوو) یا (دار به‌لی) وه‌رد (دار وه‌ن/ وه‌نه‌وشک) دار نام‌ناوچه‌ئی دارسانه‌یل زاگڕۆسه ک هه‌م سه‌قام فره‌یێگ دیرێ و هه‌م ئه‌ڕا ئوکسیژن‌سازی و به‌ر گرتن و جاجگ کوردی و شووکه گرتن فره بهه‌رزه.
ئی داره خوه‌ێ ئه‌ڔا خوه‌ێ و وه وه‌ر خوه‌ێ، ده به‌ڕووسانه‌یل ئیلام و کوردستانات سه‌وز و ره‌وز دکه‌ێ و وه‌وچوونه ک ده‌وڵه‌ت ئێران، ده ساڵ 1995 زایه‌نی وتگه؛ هه‌ر دار به‌ڕووێ 179 ملیوون تمەن ئەوسا یانێ لاوە‌کەمێ سەد هزار دولار هەرزییە، ک یه یانێ فێشتر له خوێن په‌نج پیاگ، وه دیه‌ی ک ده ئێران حوکم وه‌ێ دکه‌ن.
دە بڕێ تر لە وڵاتەیلە، وانگ دانە ک هەر دار بەڕووێ دوسەد هزار دولارییش دهەرزێ.
خووە یەیش بزانن ک هەر دان بەلیێ ک بکالرێ، تا پەنج ساڵ ئەو دۆمای کاڵینەگەی هە هەفت سانتی‌متر دیاێگە بان و تا چل ساڵ دۆمای ئەوە بەر نه‌دگرێ.
ئاگرسووزی و ئافەت مۆخۆڕ ک وە سنان و سەرەتان دار دناسرێ، بینەسە لێز دار بەڕووەیلە دە زاگرۆس و وە داخەوە تا ئێسەیش، ئی دووزەمەیلە، هێمان هه چارەسەر نەکریانه.
