هامشوکردن لەی شارە وە پۊیلە
شەفەق نیوز/ چینەناو فرەێگ لە شارەێل جەهان وە پەتی نییە ک تێکت خوازێد، باواجی لەشار ڤینیسیای ئیتاڵیا بیجگە لەی تكتەی دەروازەی شارو ئۆتۆبان، لەیەودۊێا گەردین و پیاسەی ناو شارەگەش وە پەتی نییە.
شار ڤینیسیای ئیتاڵیا ك وە رەنگیترین شار لە جەهان دانریەێد و ساڵانە نزیكەی (30) ملیۆن گەشتیار لەسەرانسەر دونیا رۊی لەلیکەن، لەیەودۊیا بڕیگ پارە لە هامشوکەرەێل وەرگیریەێد.
ئەنجوومەن شارەگە بڕیارداگە لەسەر ساڵ نووەو بیجگە لە هاوڵاتیەێل نیشتەجی شارەگە هەریەكیگ بخوازێد هامشویگ ناوشار بکەێد یان چەن رووژیگ بمینێدەو بایەد وەرجە یە تکێت بوەڕێد، ئەو نرخە وەگورەی وەرزەێل ساڵ ئاڵشت کریەێد و هالە نوان (3 تا 10) یۆرۆ.
Luigi Brugnaro کۊیخای شارەگە ئۊیشێد، شارەگەمان جۊر مۆزەخانەس و یەكیگە لە شۊنە ئەڵاجێوەیڵ جەهان، لەوەر هاتن گەشتیار فرەیگ وەتایبەت لە وەرزتاوسان رووژانە رەسێدە سەد هەزار کەس.
جادە و دار و کۊیچەیلمان زەرەد رەسێدەپێ و مەردم ئاوەگەمان پیس کەن، لەوەر ئەوە وەردەوام پاككردن و خاسەوکردن خوازێد، دۊیایش هەراهووی ناوشارو کووچەێل تەنگە و گەردین وەو بەلەمە بۊیچکەێلە بۊیسە جی بیزاری مەردمەگە، لەوەر یە ک بایەد خزمەتگوزاریتر پێشکەشیان بکەێن جوور قەرەبوویگ ئەرا مەردمەگەمان، ئی خەرجیە لە گەشیارەێل سینیمن ئەرا خزمەت کردن شارەگە و خەڵکەگەی.
