هەواوی قازانجەگەی ئەرا 76% زیای کردیە
2022-03-29T15:11:55+00:00
شەفەق نیوز/ كۆمپانیای هواوی چینی ئۊشێد، “سەرەڕای سزایەیل ئەمریكا، لە ماوەی ساڵیگ قازانجەیلمان وە ڕێژەی 76% زیای کردنە”.
هواوی كۆمپانیایگ پەیوەنیكردن چینییە، ئامار قازانج ساڵانەی خوەی ئاشكەرا كرد و راگەیان؛ لە ساڵ 2021 قازانج پەێمانەییگ توومار کردیە.
وەگورەی راگەێنراویگ كارگێڕی كۆمپانیاگە، لە ساڵ 2021 پوختەی قازانج كۆمپانیای هواوی رەسیە 113.7 ملیار یوان (16.2 ملیار یۆرۆ)، مەوقەی ساڵیگ وەرجە ئەوە 64.6 ملیار یوان قازانج كردیە و ئۊشێد، “ئەوە گەپترین قازانجە لە سەرەتای دامەزرانن كۆمپانیاگە تا ئیسە”.
قازانجكردنەگەی كۆمپانیای هواوی سەربار كەمبۊن فروشتن بەرهەمەیلیە ک وە ڕێژەی 28.5% كەم کردنە، وەبی ئەوەگ كۆمپانیاگە شمارەی ئەو ئامێر و مۆبایلە و ئاشكەرا بكەێد ک لە ساڵ 2021 فرووشتیە.
