که‌یوانووێ، هه‌فتسه‌د "پوورشه"یی
شه‌فه‌ق نیوز- که‌یوانووپیره‌ی ک خوه‌نین و نووساننیش نه‌دزانێ، ک ده ئاوایێ نه‌ناسریاگ دژیێ، هه‌فتسه‌د ماشین فره گران "پوورش" هاوردگه‌سه نام ئێران و فرووشاگه.
ئی مامڵه ک ده ئێران فره گرانجام دیاێگه هساو، ده کارێ ناهه‌تا ک له چاو وڵات هه‌تا و مه‌قبوول نییه، ئه‌نجام دریاگه.
مودیر سامانه‌ی ئێعتبارسه‌نجی کارته‌یل بازه‌رگانی سامانه جامع تجاره‌ت ئێران، ده ئی باره وت: وه ده‌ینو‌گه‌ڕی وه نام ئی که‌یوانووه کارت بازه‌رگانی گیریاگه، چوون ده قانوون، وه ئاشکرایی هاتگه ک یه‌کم مه‌رج ئه‌ڕا گرتن کارت بازه‌رگانی سه‌واددار بیین.
ئاخین و داخینه ک ئیجووره رانتو رانت‌خواردنه‌یلێ ده ئێران، خه‌یلێگه بییه‌سه باو و که‌سێ نووادار رانتگره‌یل ک ئاغازایه و خوه‌یان وه خوه‌یانن نییه، چوون خوه‌یانه‌یل، لایین یه‌کتره‌کی دیرن و قه‌رتی قه‌رتی پێشته‌وانی یه‌ک دکه‌ن، و ده ئی ناوه‌کییه دوو و دووکه‌ڵ یه هه دچووگه چه‌م وڵات و به‌س
