هیۆندای و کەیا و ٣ کۆمپانیای تر ''سەقەتی'' لە هەزاران ماشین ئاشکراکەن
شەفەق نیوز/ وەزارەت گواستنەوە لە کۆریای باشووری، ئمڕوو پەنجشەممە راگەیان؛ کۆمپانیای هیۆندای مۆتۆرز و میرسیدیس بینز کۆریا و سێ کۆمپانیای تر وەشیوەیگ خۆبەخشانە داوای ٥ هەزار ماشین کەن ئەرا خاسەوکردن چشتەیل سەقتیگ لەناویان.
وەزارەتەگە لە بەیاننامەیگ وت: ئەیە نووترین داواکردنە کۆمپانیایل دروسکردن ماشین لە کۆریا و هاوردنەوەیل یابان بکەنەی لەوەر گیچەڵەیلیگ لە پێکهاتەیل ئەو ماشینەیلە ک فرووشنەی، وەگورەی ئاژانس خەوەری ''یۆنهاب''.
وەزارەتەگە ئاشکراکرد ک ئەو سێ کۆمپانیاگە خوەیان کەیا مۆتۆرز و فۆرد مۆتۆرز و هانوبۆل موتورزە ک ماشین بیجۆ وسیتڕۆین هاوەردە کەن.
وتیش گێچەڵەگان هالە سیستم رینمای وزەگە ک وەپی مەکینەی ماشین کەیا ستینجەر خریەێدە کار، لە چین ماشینەیل سیدان وەرزشی، وهەمیش لە سەقەتی گونجانن ئەلیکتڕۆنی لە ماشین میرسیدس ئێه ئیم جی جی تی وەرزشی لە چین ماشینە کوبیەگان، و سەقەتی لە برغی سیستم رینمای هاوکارەگە ئەرا ماشینەیل فۆرد مۆندیۆ سیدان.
وەزارەتەگە ئاماژەدا؛ ئی کۆمپانیایلە پلان دانەن ئەرا خزمەتگوزاری خاسەوکردن و ئاڵشتکردن پلەیی لە رووژ پەنجشەممەو، و خاوەن ئەو ماشینەیلە توێنن سەردان ناوەندەیل خاسەوکردنەگان بکەن ئەرا ئاڵشتکردن ئەو بەشەیلە.
