هەکاتی فیلمە رخبەرەیلە.. وەیلکانیگ هەڕەشەی پیاویگ دەێد
شەفەق نیوز/ پیاویگ بەریتانی دڵی وە ماڵە نووەگەی خوەش نەۊیخ هەنای نووڕستە وەیلکانیگ لە شۊنیگ ک وە هۊیر کەس نێەتیەێد، و پەیام هەڕەشە وەگەردی بۊی.
رووژنامەی دەیلی مەیل بەریتانی وت: جۆناسان لویس ٣٢ ساڵان، کلیل ماڵە نووەگەی لە کەرت سری لە باشوور ئینگلترا وەرگرد، و دۊیای ئەوە ک چگە ناو ماڵەگە پایەی ناسکیگ لە ژیر پاجینەگە دی،بو خوازێ بزانید چە لە پشتی هەس.
و هەنای نووڕست، وەیلکانیگ دی شەۊی ها وەری، و پەیامیگ وە دەسی گردگە، ک لەوەر ئەو پەیامە زیڕە کرد.
پەیامەگە باس کەێد ک چۊن وەیلکانەگە خاوەنەیل وەرین ماڵەگە لە ساڵ ١٩٦١کوشتگە، و ئۊشێد؛ ئومید خوازم خاس بخەفێ.
وەلی دەڵاڵ ماڵەیلە وە لویس وت: ئی پایە نووە و وەرجە ٤ ساڵ بینا کریاگە ک دیارە خاوەن ماڵەگە لەی ماوە ئێی وەیلکانە وەگەرد پەیام هەڕەشەگەی دانانە.
پەیامەگە ئۊشێد: ئازیزم خوەنەوار ئی پەیامە؛ خاوەن نوو ئی ماڵە.. ناوم ئیمیلی خاوەنە کۆنەیل ماڵەگە لە ساڵن١٩٦١ لەی ماڵە بۊین، من خوەشم لەلیان نەهاتخ ئەراوە بایەت بۊی بچنە ریەو.
هەمیش ئۊشێد: تەنیا گورانی وەشیوەی ناشرینیگ چڕیان، و تەنیا پەسەنیگ ئەرایان داشتم ک وەچەقو بکوشمەیان، ئەراوە ئومید خوازم ک چەقوەیل فرەیگ نەیاشتاێ.
