گەنجیگ چینی بوودە بویچگترین توشبوی ئەلزەهایمەر
2023-02-17T09:47:09+00:00
شەفەق نیوز/ گەنجیگ چینی تەمەن19 ساڵ پزیشکەیل تویش ئەلاجەوی هاتنیان کەێد، هەنای لە ئەنجام وشکنینەیلی دەرکەفێد لەو تەمەنە تویش وە بیماری ئەلزەهایمەر هاتییە.
وەپای خەوەرەگەی ماڵپەر حورە، ماوەی دوو ساڵ تەواو نیشانەیل ئی بیماریە لە گەنجەگە دەرکەفتیە لەوانەیش لە دەسدان هویرمان، گیچەڵ تەرکیزکردن، دویاکەفتن کاردانەوە و گرفت خوەنستن، هەمیش مەوقەی چەوی وە دکتۆرەگەی کەفتە لە هویرەو چگە دویەکە چە خواردیە.
ئەو بەشە لە مێشک گەنجەگە ک وەرپرسە لە توانای هووکارەبوین بویچگەو بویە، پزیشکەیل زانکۆی پزیشکی پێکین وە تەواوی تاڵەتەگە بویەسە جی ئەلاجێویان لەوەختیگ ک هویچ کەس لە ئەندامەیل خێزانەگەی رویوەروی ئی بیماریە نەوینە.
