ناشرینترین باڵەخانە لە جەهان

شەفەق نیوز/  ئەو باڵەخانە ناوی (ڤیترا)س  و وەیەکیگ لە ناشرینترین و ناشایستەترین باڵەخانەیل جەهان دانرێد ک ئەندازیار (فرانك جێهری) دروسی کردیە ، ناو راسی خوەی (ئیفرایم گۆلدبێرگ)ە، لەداڵگبوی ساڵ (1929) وڵات كەنەداس، سەرەتای كارەیلی وە چەن باڵەخانەیگ دەس وەپی کرد، ك هەرگیز جی پەسەن مەردم نەوی، لەوەر ئەوەگ شیوەی دیزانەگانی وەگەرد جەهان ئەندازیاری نەگونجیا. 

تا ئیسەش فرەیگ لە ئەندازیارەیل رەخنە لە نەخش و دیزاینەیلی گرن، تەنیا وەلایەن خوەیەو كار پەسەن و ناوازەیگە، ئەوەگ ئەڵاجویە ئەو كەسە وە یەكیگ لە وەناوبانگترین ئەندازیارەیل وڵات كەنەدا دانرێد، هەرچەن کارەیلی وە دڵ مەردمیش نییە.