ناسا مەوقەی کۆتایی ژیان لەبان زەوی دیاری کەێد
2021-03-10T08:32:51+00:00
شەفەق نیوز/ تۆێژینەوەیگ لەلایەن ئاژانس ناسا، ئاشکرای دویارووژ زەوی کرد، و چوین کۆتایی لە ژیان لەبانی تیەێد.
وەگورەی ئەو تۆێژینەوە ک ئەنجامەیلی لە گۆڤار زانستی Nature Geoscience بڵاو کرد؛ ئەوەسا گەرمی خوەرەگە لەماوەی یەک ملیار ساڵ وەشیوەی گەورایگ بەرزەو بوود، کە ژیانەگە لەناو دەێد.
تۆێژینەوەگە پێشبینی کرد ک ئۆکسجین لەوەر بەرزەوبوین گەرمی لەناو زەوی نەمینێد، ک بوودە هووکار چەکانن و پەککەفتن دوویەم ئۆکسید کاربۆن لە هەواکە، ک هیلێد دار و درەختەکان توانای دروسکردن ئۆکسجین نەیاشتان.
وەگەرد تەواوبوین ئۆکسجین، ئاست میسان ئەرا نزیکەی ١٠ هەزار قات بڕەیل ئیسە بەرزەو بوود.
وەگورەی سەرپەرشتیاریەیل تۆێژینەوەگە؛ ئی ئاڵشبویەیلە لەبان زەوی شیوەیل ژیان لەناو دەن، بیجگە ئەو بەکتریا ک ئۆکسجین نێخوازێد یا لە سایکیەکان ژیان کەن.
