ژن و پیاویگ هەفتا ساڵان دویای ساڵیگ لە دڵداری هاوسەرگیری کردن
2022-07-15T13:54:10+00:00
شەفەق نیوز/ ئویشن: دووسی تەمەن نیەزانێد، ژن و پیاویگ لە مووسڵ جەژنەگەیان کردنە دوو جەژن لە دویای ساڵیگ لە هبوین پەیوەندی دووسی لە مابەینیان هاوسەرگیری ئەنجامدان.
ئەکرەم تەمەن 76 ساڵ ک تا ئیسە هاوسەرگیری نەکردیە و وەسنا 72 ساڵ لە چەودێری وەساڵاچگەیل یەکتر ناسینە و لە دویای چیرۆکیگ پڕ لە خوەشتواستن یەکتر بڕیاردان هاوسەرگیری ئەنجام بیەن.
هەردگیان فرە دڵ خوەشن هەر جویر خوەیان ئویشن، یە دەرفەتیگە ژیان وەپیان وەخشیە و تا ئەو وەختەیش لە ژیان بوون وە دووسی بەنەی سەر.
وەرپرسەیل شوینەگە گشت ئامادەکاریگ کردنە ئەرا ئاهەنگ هاوسەرگیریەگەیان، ئویشن دڵخوەشن وە ئاهەنگەگەی ئەکرەم و وەسنا و ئی هەڵوێستە هیلێد ئایەم هەرگیز لە ژیان بی هیوا نەود.
