ژنیگ وە گڕکان تویش سزیان هاتگە.. ئەرا یەکەم جارە دەمچەوی نشان دەێد
شەفەق نیوز/ خانمیگ لە گڕکان "وایت ئایلاند" لە نیوزلەندا لەساڵ ٢٠١٩ رزگار بویە، ئاشکرای ئەو ئاڵشتییە کرد ک لەوەر ئەو سزیانە هاتیەسە دەمچەوی.
ستیڤانی برۆیت، ک گڕکانەگە ٧٠% لە لەشی سزان، ئەو دەمپووشە لە دەمچەوی لاورد، لەناو دیداریگ تەلەڤزیۆنی.
برۆیت ٢٦ ساڵان وت: دویای سزیان لەشی وە پلەی سێیەم، دوو هەفتە وەبیهووش مەنیە، وهەنای نووڕیە دەمچەوی لە ئاوینە، وەخوەی وتیە: کەسیگ دوینم ک رووزگار فرەیگ گوزەران کردیە، من هازم فرەترە لەوەگ مەزەنەی کردم، هوکارەی ئەوە بویم ک رەنجدان ئەرا مەنین لەبان ژیان کاریگ راسیە، هەر رووژیگ ئەرا مەنین جەنگ کردیام، وخوەمیش نەزانستم وەی هازە ک هالە ناخم.
برۆیت باس ئەو گڕکان رخبەرە کرد، ک وت: دۊکەڵیگ سیا بەرزەو بوی، ئیجا سەرپەرشتیار گەشتوگوزارەگە دەسکردە هاوار وت: زوی بجۊلن، و ئیمەیش دەو کردیمن، ودەنگ پلیان سەنگەیل رەسیە گووشمان، ومەردمەگە زیڕە کردن، وتم ئەوەسا مرم.
