ژنیگ ئەمریکی کلکوانەی گومابویی لەناو زەریا گلەو دەێد
شەفەق نیوز/ کلکوانەیگ ئەڵماس ژنیگ لە ویلایەت ماچسوستس دووارە ئورا کلگی گلەو خوارس، ک پیاویگ نووڕیە داوای مینەکردنی لەلایەن ژنەگە لەبان سۆشیال میدیا، و کەفتە مینەی لە قویلی زەریا.
فرانشیسکا تیل ئەرا رووژنامەی بۆستن گلۆب وت: خوەی وشویەگەی لەی مانگە لە نۆرت بیچ لە ویلایەت نیو هامبشایەر بازی تووپان، و کلکوانەگە لە کلکی سڕ برد.
تیل ٢٩ ساڵان وت: خوەی شویەگەی دویای چەن ساعەتیگ لە مینەکردن، ئەو کلکوانە پەیا نەکردن.
تیل پۆستیگ لەی باوەتە لەبان فەیسبووک نویسان وداوای دەسمیەتی کەێد لە هەر کەسیگ چوودە کناراوەگە وئامیر ئاشکراکردن کانزا وەپی بوود، وهەزاران گلە شێر پۆستەگەی کریا، تا رەسیە پیاویگ وەناو لۆ ئاسی.
ئاسی ٦٠ ساڵان، دڵنگ دەریاوانی پووشێد، و رەسیە قویلایی زەریاگە، وەمینەی ئەو کلکوانە، و ئامیر ئاشکراکردن کانزا وەرد خوەی برد، و لە دوو رووژ هویچیگ وەدەسی نەکەفت.
ئاسی ئەرا رووژنامەگە وت: من شکەست نیەزانم، ئەراوە دووارە گلەو خواردم.
ئەرا سێیەم رووژ، ئەو کلکوانە لەژیر لم زەریاگە پەیا کرد، ئمجا ئاسی وینەیگ ئەرا تیل کلکرد، و وەگەردی نویسا؛ ئەگەر ئی کلکوانە خوەیە تا دی بتوەنم لەی کناراوە بچمەڕی.
ئاسی کلکوانەگە ئەرا ماڵ تیل گلەودا، و جاریگتر شویەگەی لەبان زرانیی نیشت، تا ئەو کلکوانکە بکەێدە کل ژنەگەی.
