چەن مەسڵەتیگ فەیلی
2023-08-18T09:01:57+00:00
شەفەق نیوز/ لەیرا چەن مەسڵەتیگ دیاری کریەێد کە هەمیشە لەبان زوان مەردم کوردەیل فەیلی تیەێد، هەر مەسڵەتیگ لەشوین خوەی:
١-ئەر کوڕ خاسیگە وەر خوەی دە ئاو دراری.
( وە کەسەیگ ئوشیەێد لیوا خوەی نیشان دەێد توان ئەنجامدان یا چارەسەر کار مەردم دیرێد، باوجی دەرەقەت چارەسەر کردن کار خوەی نیەتێد).
٢- ئەر کەڵەشیر نەقویلنێد دی رووژەو نیەوود؟
( ئەرا کەسەیلیگە دەسپیچگ لە کارەیلیان پەیا کەن)
٣-خاسە سویرم کردی وەنە خەوم ئەوبرد.
( ئەرا کەسیگ ئوشنەی کاریگ لەجیای کەسیگتر ئەنجام بەێد).
٤- ئارد لە دز قەرز کەێ!
(داوای چشتیگ لە کەسیگ بکەێد خوەی هویچ نەیرێد).
٥-ئەر تە یەی مەنی مە سەد مەنم.
( کەسیگ کە خوەی نیشان دەێد یا لەوەی باییە، لەوەرانوەی خوەد ئەو بانتر نیشان دەێد).
٦- درگ ناو ئارد.
(دووچار گرفت بوین)
٧-ئەر خوازی ئەزیز بووی یا بمری یا دویر بوی.
(ئەگەر تواید خوەشەویشت بوی خاسترە دویر بوی).
