ژنیگ لە دەسمیەتیداین کوڕیگ پۊل فرەیگ لەدەس دەێد
شەفەق نیوز/ ئاژانس سی بی ئێس، باس ژنیگ ئەمریکی کرد، دەسمیەتی ناخاڵەی ویڵیگ داگە، و نزیکەی چوار هەزار دۆلار لە کیف ئەلیکترۆنیی لەدەس داگە.
ئەوەیش لە شار ئۆرلاندو لە ویلایەت فلۆریدا بۊ، هەنای شانون فرایزەر خان وەگەرس سەگەگەی لەناو جادەگە بۊ، و کوڕیگ لە تەمەن ١٢ ساڵان هاتە نزیکی، و وت ویڵ بۊە و پاتری مۆبایلەگەی تەواو بۊە، و خوازێد تەلەفۆن برادەرەیلی بکەێد.
ئەو کوڕە سڵای خانمەگە کرد تا وە مۆبایلەگەی تەلەفۆن بکەێد، و ژنەگە مۆبایلەگەی دادە دەس کوڕەگە، چۊنکە خوازیە دەسمیەتیی بەێد.
کوڕەگە وە دەنگ مایکریفۆنەگە تەلەفۆن برادەرەگەی کرد، و وەپی وت من نێزانم هامە کوو، و داوا لە ژنەگە کرد جی بی ئێس مۆبایلەگەی بخەێدە کار.
دۊای ئەوە جیاوە بۊن، و ئەرا ئی رووژەگە، ژنەگە ئاگاداری لە بانک ئەرای هات ک ٣٨٠٠ دۆلار لە کیف ئەلیکترۆنیی کیشاگە، و ژنەگەیش وەکوتپڕ پەیوەندی وە دامەزراوەگە کرد، و ئاشکرا بۊ ک دۊای نیم ساعەت لە دیدار ئەو کوڕە ئی پۊلە کیشیاگە.
فرایزەر دۊای ئەو کارە وت: " ئی کردەوە فرە ئاڵشتم کرد، بایەتە زیاتر وریا بووم، ئی کارە خوسەی فرەیگ دیرێد".
