ژنیگ لەتەمەن 90 ساڵ وە باز کوتان لە بەرزیی 12 هەزار مەتر ئاهەنگ لەداڵگبوینی کەێد
2023-08-18T08:00:06+00:00
شەفەق نیوز/ خانمیگ بەریتانی وەتەمەن وە ناو هیلاری ئۆکسلی بڕیاردا وە وەخوارەوخستن خوەی لە بەرزایی 12 هەزار مەتر وە پەرەشووت ئاهەنگ رووژ داڵگبوینی بکەێد، تا بچەسپنێد چەنیگ هۆگر زندگیە و تەندروسی خاسگ دیرێد.
وەپای خەوەریگ ماڵپەڕ دەیلی میرۆر، ئۆکسلی یەکیگ لە ئەزرەتەیل گوزەشتەی باز کوتایە وە پەرەشووت و جویر ئەوەگ خوەی ئویشێد " مەلەوانی بویە لە ئاسمان".
وەگەرد نەوەیلی وەبی گیچەڵ توەنستیە لە بەرزایی 12 مەتر وە پەرەشووتگە سەلامەتی بڕەسێدە بان زەوی، ئۆکسلی ئیە یەکەم جاری نییە بەڵکم دە ساڵ وەرجە ئیسە لە تەمەن 80 ساڵی وەهەمان شیوە ئاهەنگ لەداڵگبوینی کردیە.
