ژنەیل یا پیاوەیل... کامیان هویرمانیان خاسترە
2022-12-30T08:29:20+00:00
شەفەق نیوز/ توێژینەوەیگ هۆڵەندی ئاشکەرا کردیە لە تمەن مامناوەنی ژنەیل لە پیاوەیل هویرمانیان خاسترە، توەنن زویتر لە پیاوەیل پرۆسەی زانیاریەیل بکەن، باوجی توانا هویرمانیەیل ژنەیل زویتر داوەزێد.
وەپای هەواڵیگ تەندروسی ماڵپەڕ"Rivm.nl" ئەو توێژینەوەیە وەلایەن زانکۆی ڤیکتۆریا و پەێمانگای نیشتیمانی تەندروسی و ژینگە لە ئەمستەردام کریایە، دەریخستنە بیماری زەهایمەر زویتر کار لە ژنەیل کەێد جویر لە پیاوەیل، کار لە هویرمان و زوی پرۆسەکردن زانیاریەیل کەێد،
توێژینەوەگە ئەرا ماوەی 20 ساڵ لەبان هەزار ژن و پیاو کریایە ک تەمەنیان لەبان 45 ساڵ بویە.
