نیشانەیل خوەی کوشتن
شەفەق نیوز/ رووداوەیل خوەیکوشتن وەشیوەیل جوورا جووری، زیایەوبوین، ولەوەر هووکارەیلیگ جوورا جوور، لە خراوبوین رەوش مەغزی ودەروونی ئەرا کەسەگە، و ئەرا ریگردن لە کەسەگە تا پەنا وەخوەیکوشتنی نەوەێد، ماڵپەڕ Metro ئەلیکتڕۆنی، بڕیگ لە نیشانەگان پێشکەشکرد ک خەوەردەن لە نیاز کەسەگە ئەرا خوەی کوشتن، لەلیان:
دویرەکەفتن لە برادەر وخیزان
ئەو کەسەگ هویرەو کەێد خوەی بوکوشێد، هەمیشە لە مەردم دویرەو کەفێد، و ئاڵشتیەیلیگ نا ئاسایی لە شیوەی خەفتنەگەی بوود، جوور خەفتنی ئەرا ماوەیل کوڵیگ، یا ماوەیل دریژیگ، و توندی وهەس وە شەکەتی.
دویرەوکەفتن دەروینی
هەمیشە ئەوانەگ هویر وەخوەیکوشتن کەن، لە ژیانەگە بڕیەنەو، شایەت بووشن دی گرنگی وکار وپەیوەندیەگان وفێرخوازیەگان نەیرن ک ئەوسا دڵیان وەپی خوەش بوی، و شایەت بویینێدەیان جوور بی هەستن و لەخوەد وئەواکانەو دویرن.
هویر وە تەندروسی خوەی نێکەێد
ئەگەر یەکەیگ لە برادەرەگاند وەشیوەی فراوانیگ ژیان خوەی خەێدە وەر مەترسی، ئەیە نیشانەی روونیگە ک پاپای مردن وژیانی نەیرێد، چوونکە ئەو کەسەگ نیاز خوەیکوشتن داشوود هویر وە تەندروسی خوەی نیەکێد، وپاپای بیماریەگان نیە، ئەراوە پاپای مەوقەیل سەردان پزشکەگان نیە، وواز تیەرێد لە خواردن دەرمانەگان.
مینەی شیوەیل کوشتنەگان
هەمیشە ئەیە بوودە نیشانەی روونیگ ئەرا ئەو کەسەگ نیاز خوەیکوشتن بیاشتاد.
ئارامی ناکاوی
ئارامی یەکیگە لە نیشانە نادیارەگان ئەرا ئەوەگ هویر لە خوەیکوشتن کەێد، و لەلیان هەست نەکردن وەنیگەرانی یا ترس.
