نێستلە توومەتبارە وە ژەهراوکردن بسینەیلی
هەمیش گومان ئەوە کریەێد ئی بەرهەمە پیسبویەیل پیتزا بویەسە مدوو بیماری ئەرت دەیان مناڵ، رخ لە خراوبوین گورچگ دیرێد، ئەرا نموونە، وەگورەی ئاژانس فرانس پرێس.
وەگورەی بەیاننامەی کۆمپانیاکە، توومەتەگە لەبان کۆمپانیایگ سەروە کۆمپانیای نێستلە کریاس کە کارگەیی لە شار کودری (باکوور فەرەنسا) وەڕیەو بەێد، کە پیتزای لەلی دروس کریەێد، و نێستلەی فەرەنسا لە لە دوو و چوار ئی مانگە.
قسەکەر نێستلەی فەرەنسا راگەیان کە توومەتەیل لە "کوشتن بی ئەنقەست، تویشهاوردن بی نەگبیر و بی خەڵەتانن"ە.
رووژ جمعە، ئاژانس فرانس پرێس نەتوەنستن پەیوەندی وە فەرمانگەی داواکاری گشتی لە پاریسەو بکەێد تا لێدوانیگ بوەێد.
پارێزەر پیێر دیبویسۆن، کە نوێنەرایەتی نزیکەی ٦٠ کەس لە قوربانییەیل کەێد، ئەرا ئاژانس فرانس پرێ وت: “یە گامیگ یەکلاوەکەرە ئەرا فامستن لە سەرچەوەی کارەسات ئەو خیزانەیل فرە کە من نوێنەرایەتیان کەم، وەبی تاقەتی چەوەڕیی کەن”.
وتیش: "تەنیا توەنیمن ئومید وەوە بیاشتویمن کە توومەتبارکردن نێستلە وە تونی گاڵ گروپە گەورەیل خوەراک کشتوکاڵی بیەێد ئەرا قایمکردن کۆنترۆڵ ئەرا دڵنیابوبن لە بیوەیی خەوەراک ئەرا مەردم".
