نەیزەک گەپیگ دوو کانزای بیوەینە وەشنیدە ناو دەوڵەتیگ عەرەبی

شەفەق نیوز/ زانایل دوو کانزا پەیا کردن ک لەبان زەوی لەوەینەیان نییە، ئەوەیش لەناو نەیزەک گەپیگ لە سۆماڵ و هاتێ بەڵگەی دروسبوین نیمچە ئەسارەیل لەناویان بوود.

ئەو دوو کانزای نووە لەناو یەک پارچە پەیا کریان، ک لە نەیزەک (ئەلعەلی) پەیا کریانە، ئەو نەیزەکە ک لە ساڵ ٢٠٢٠ کەفتە بان زەوی، و کیشەگەی رەسێدە ١٦،٥ تەن.

زانایل ناو elaliite  و elkinstantonite  بڕینە باڵای ئەو کانزایلە.

کڕێسی هێرد مامووستای بەش زانستەیل زەوی و تووکڵ ئاسمانی لە زانکۆی ئەلبیرتا لە بەیاننامەیگ وت: هەنای کانزای نوویگ پەیا کەێ، واتە رەوشەیل جیۆلۆجیای راسی، کیمیای سەنگەیل، جیاوازتر لەوەخت پەیاکردنی بویە، و یەسە ک هیلێد کارەگە گرنگ بوود، لەی نەیزەکە وەتایبەت دوو کانزای نوو لە زانست دیریمن.