چەن رینمای گرنگیگ ئەرا رووژەگرەیل
شەفەق نیوز/ وە مدووی نە خواردن خۆراک و ئاو رووژەگرەیل زوی هەس وە شەکەتی و بی هازی کەن، ئەرا نواگری لەیە، پزیشکەیل چەن تەمەی گرنگیگ ئەرا رووژەگرەیل خستنەسە روی.
پزیشکەیل خوەراک ئاشکەرای کەن، بایەت ئەو کەسەیلە وە رووژگن دۊرەوبکەفن لە خواردنە شوور و چەورەگان لە پاشام، لەهەمان کات نووشین زیاتر لە هەفت پەرداخ ئاو دەسمیەتیدەرە تا هەس وە شەکەتی فرە نەکەێد.
ئەوەیش خستە رۊ، خواردن کاربۆهیدرات، ماس و شیر یەکیگە لە خاڵە گرنگەگان، لەش لە هشکەوبۊن مقیەتی کەێد، و دۊرەو بکەفیەێد لە خواردن شیرینی لە دۊای نان خواردن.
پزیشکەیل لە هەمان وەخت دیاری ئەوە کەن، ئەو کەسەیلە وە رووژگن خاسترە تەقەلا بیەن وەختەیلیان رێکبخەن و رووژەگانیان وە پلان بوود، چۊنکە هۊرەوکردن لە خواردن و نووشین وە درۊژایی ڕووژەگە هیلێد وەختەگە دیر بکەفێدە ری، لەوەر ئەوە داوا کەن خوەیان سەرگەرم بکەن وە باوەتەیلتر.
