چەن خوەراکیگ ئەرا تەندروسی چەو
![چەن خوەراکیگ ئەرا تەندروسی چەو](https://media.shafaq.com/media/arcella/1701865376105.jpg)
ماڵپەڕ " الیوم السابع " لە باوەتیگ باس لەوە کردیە چەن خوەراکیگ توەنێد دەسمیەتیدەر بوود لە رویوەڕویبوین کزەوبوین نووڕین دیە ئەوانەیش بریتین لە:
١.گەزەر، دەوڵەمەنە وە بیتا کارۆتین کە جوریگە لە ڤیتامین A هەوەجە کەێد ئەرا نووڕین خاسیگ.
٢.خا، بڕیگ خا لە زینک هاناوی دەسمیەتیدەرە ئەرا کەمەوکردن مەترسی تێکچگن چەو وە مدوو تەمەنەو.
٣.ماسی چەورەگان جویر سەلەمون، ناسریاگە وە ئەوەگ رێژەی خاسیگ ترشە چەوری ئۆمیگا ٣ هاناوی کە بەشدارن لە گەشەکردن نووڕین چەو و تەندروسی تووڕ چاو.
٤.فاسولیا، نژی و نوخوت، سەرچەوەی خاسیگە ئەرا بایۆفلاڤۆنۆید و زینکن، ئەو ماددە خوەراکیەیلە کە تووڕ چەو مقیەتیکەێد، مەترسی تێکچگن چەو و ئاو چەرمگ چەو کەمەوکەێد.
٥.سپێناخ، قەیسی و سەوزە گەڵادارەیل، دژوە ئۆکسێنەرن، مەترسی تێکچین چەو و ئاو چەرمگ چەو کەم کەێد.