نەیجیریا.. دڵنگ وە گەناڵخە ئەرا مقەیەتیکردن ژینگە
شەفەق نیوز/ چالاکوانەیلیگ ناخاڵە، ک گرنگی وە کەشوهەوا دانە، لەناو گەورەترین شارەیل نەیجیریا، گەناڵخە کردنە دڵنگ، وەخاتر "تراشون شەو" واتە؛ نمایشکردن پڕتاڵ وە گەناڵخە.
چینیدۆ موگبۆ دروسکەر هەڵمەت کلگە سەوزەیل ئەرا ژیان هشکایی وت: لاگۆس یەکیگە لەو شارەیل ئەفریقاییە ک زیاترین قەرەباڵغ دانیشتگەیل هاناوی، ک شمارەیان لە ١٥ مەلیۆن کەس رەد کەێد، و رووژانە لەلای کەمەو ١٢ هەزار تەن مەتری لە گەناڵخە دەرکەێد.
لە سای شلەوبوین لە جیوەجیکردن یاسایل ژینگە، بانک ناودەوڵەتی مەزەنە کەێد ک پیسی ژینگە هەر ساڵیگ لەلای کەمەو ٣٠ هەزار کەس لەی شارە کوشێد.
وتیش: وە هاوکاری وەرد چالاکوانەیل و نمایشکارە گەنجەیل ئی هەڵمەتە خوازێد زیاترین بڕ لە پلاستیک دووادە وەکار بارێد.
ئیجا ئەو پلاستیکە ک لەناو گەناڵخە گردەو کریەێد پەڕوو ئەرا نمایشکردن پڕتاڵ لەلی دروس کریەێد.
لەلای خوەییش، ناسانیال ئیدیگوا لە تەمەن ١٦ ساڵان ک دویتیگە وە کەوچگ پلاستیک سوور و پەڕوو خوەی پووشیە، وت: ناوی کەفتە ناو چاپ ئمساڵ جویر خانمە نمایشکار پڕتاڵ ئەرا ئاڵشتکردن.
وتیش: توەنیمن بنووڕیمن ک گشتمان کەفتیمنە کاریگەری ئاڵشتبوین کەشوهەوا، ئەراوە خوازم کاریگ جیاواز بکەم، و چشتیگ ئاڵشت بکەم.
