چەن گامیگ ئاسان ئەرا پاکەوکردن ژەنگ و چەوری
2024-05-19T08:56:34+00:00
شەفەق نیوز/ لە وەخت کارەیل رووژانە فرەجار مادەی کیمایی وەکارتیاریمن ئەرا پاکەوکردن ژەنگ و چەوری باوجی کرێد لە ری مادەیلیگ سرووشتی بی زەرەرد ئەو کارەیلە ئەنجام بدرێد.
لە باوەتەیگ لە ماڵپەڕ "cleanipedia" باس لەو چشتەیلە کەێد کە توەنرێد وە لیموو پاکەوبکرێد و ژەنگ و چەوریەگان بانی لاوەرێد:
ئەرا پاکەوکردن ئەو لەکەیلە لەناو مایکرۆ دروسبوینە:
قاو بویچگیگ پڕ بکە لە ئاو و ئاو لیمویگ بکەناوی دویای ئەوە یک لیموو رەندەکریاگ بکەناوی ئەرا ماوەی ٣-٥ خولەک مایکرۆگە دەمبیە، دویای کورەوبوین مایکرۆگە وە قوماش چامداریگ بسڕێ، وەیجویرە لەکە و بوون ناخوەش ناوی نیەمینێد.
لاوردن چەوری کتری وە وەکارهاوردن ئاو لیموو:
یەک کووپ ئاو لیمو وەگەرد یەک کووپ ئاو لەناو کتریەگە بکوڵن، دوای 10 خوڵەک لە کوڵیان، کتریەگە بشوور وەیجویرە چەوری و ژەنگ ناو کتریەگە نیەهیلێد.
لاوردن لەکەی ژەنگ وە ئاو لیموو:
ئەرا لاوردن لەکەی ژەنگ لە قەێ چەقوو کوپیگ پڕ بکە لە ئاو لیموو چەقووەگان ماوەی ۱۰ خولەک زیاتر لەناوی دابنە، دویای ئەوە وە سادەیی بشورەیان.
