چۊین چارەی شەرمنی زارووەگەد کەێد؟
شەفەق نیوز/ قۆناغ منداڵ ناسکترین قۆناغە لە تەمەن ئایەم، لەو تەمەنە کەسایەتی ئایندەی ئایەم بونیاد نریەێد، دیارترین ئەو گرفتەیلەگ کەفێدە نوای داڵگ و باوگەێل شەرمنی منداڵە، ک هێلێد مناڵەگە بیبەش بوود و دەرفەت گەورەێگ لەدەس بوەێد.
چەن رییگ هەس ئەگەر وەکاری بارین ئەرا نەهیشتن یا کەمکردن ئەو شەرمنییە:
یەکەم: مناڵەگەد رابارە لەوەگ چۊین رەفتار وەگەرد کەسەێل چواردەوری بکەێد، هووکارەی بکە چۊین قسە بکەێد و لە چ مەوقەێگ بایەدە جواو.
دۊیەم: هەمیشە وەسف مناڵەگەد بکە و لەو مەوقەێلە کار خاسێگ ئەنجام دەێد خەڵاتی بکە، چۊینکە هیلێد زیاتر متمانە وەخوەی بیاشتود.
سێیەم: رێ بدە بەشداری چالاکی کۆمه‌ڵایەتیەێلە بکەێد و وەگەرد مناڵەێلتر رەفتار بکەێد تا هەس شەرمنیەگەی کاڵەو بوود.
چوارەم: هاوڕێیانە وەگەرد مناڵەگەد رەفتار بکە، وەخت ئەرای بنە بازی وەگەردی بکەێد، چۊینکە داڵگ و باوگ هووکار سەرەکیین ئەرا دروسبۊین هەس شەرمنی لە مناڵ.
پەنجەم: وەپی نەۊیش تۆ کەسێگ شەرمنی، چۊینکە ئەو قسە لە دەماخی چەسپێد و هیلێد شەرم لە خوەی بکەێد.
