مردن مناڵیگ لوبنانی لەڕخ ڤیدیۆی تیک تۆک
2023-05-14T11:05:41+00:00
شەفەق نیوز/ محمد ئیستەنبوڵی، ئەو مناڵ لوبنانیە، دویای نووڕیتن بڕیگ گەنج دەو کەن و پڕتاڵ رخبەر پووشینە، و شمشیر وە دەسیان بویە، ک ئەو گەنجەیلە تواستنە پارچە ڤیدیۆیگ توومار بکەن و لەبان تیک تۆک بڵاوی بکەن، ئەو مناڵە لە رخ ئەوە دڵی وسیا، و گیانی لەدەسدا.
شار سوور لە لوبنان ماڵئاوایی لەو زاڕوو ٧ ساڵانە کردن، لەناو مەردم فرەیگ وە خەفەت وتویڕەیی گەورەیگ.
ئەو مناڵە لە شوینیگ نزیک ماڵ خوەیان بازی کردیاد، نووڕیە دوو کوڕ و دوو دویەت، وە ماسک رخبەریگ دەمچەو پیچانە، و دڵنگ سیا پووشینە، و شمشیر وەدەس گردنە، و دەسکردنە ئەکتەری سیامای رخبەربگ، تا لەبان تیک تۆک بڵاوی بکەن.
وەگورەی رووژنامەی "النهار" لوبنانی؛ باوگ مناڵەگە سکاڵا لەبان ئەو کەسیلە توومار کرد ک چگنە خوینی کوڕەگەی، چوینکە لەڕخ ئەو کردەوە دڵی وسیاگە.
