مار و دارتاش

کوڵە چیرووک 

شەوەیگ مار ‌‌‌گەورایگ ئەڕا پەیدا کردن خواردن چوودەناو دکان چووتاشیێ (نجاری)، چووتاشە هووکارە بۊد کە لە وەخت چینەڕا ماڵ، بڕێگ لە وسیلەی کارەیلێ نیادە بان مێز کارەگەێ. 

ئەو شەوەیشە هەڕەگەی لە بان مێزە هیشتۊدە جی، مارە هە لێوا وە پەسا خڕ خواردیا لەشێ گیر کەێدە هەڕەگە و تیکڵەی زامدار بوو.

مارە فرە ناڕاحەت بوی، ئەڕا بەرگری لە خوەی قەپ گرێدە هەڕەگە کە بایس بوو دەمێ بوودە خۊنا.

ئەو نیەزانێ چە پیشهاتێ ئەڕای کەفتێە خەیاڵ کەێ هەڕەگە هەڵاماتێ هاوڕدێیە و ئەگەر کاری نکەی حەتمەن مرێ.

ئەڕا دۊاین جار لە خوەی بەرگری کەی خوەی جەڕنێدە دەور هەڕەگە و زوور فرەی تیەریدە هەڕەگە.

شەوەکی کە چووتاشە تێ وەبان مێزە وەجیاتی هەڕەگە، لەش مار گەورا و زامدارێ دۊنێ کە تەنیا و تەنیا وەخاتر بێ فکری و خەیز فرە مردێیە.

وە ئان خەیزە توایم بڕیگ کەس جزر بێەیم وەلی دۊاخر رەسیما کە خوەمان جزر دایمە و وەختێ زانیم ک دی فرە دیر بییە، لە ناو ژیاین هەوەجەس کە فرەتر گوزەیشت و چەو پووشی بکەیم لە پیشهاتەیل، ئایمەیل، رەفتارەیل و گوفتارەیل.

ن.ش.