یەکەم شار دژە لافاو لە جەهان
شەفەق نیوز/ کۆریای باشوور پیلان درووسکردن شاریگ دیرێد ک تۊەنێد نوای لافاو و واران و وا بگرێد، و دە هەزار دانشتوان لە خوەی بگرێد.
وەگورەی هەواڵیگ لە سایت "ده‌یلی مه‌یل" به‌ریتانی، شار بوسان لە کۆریای باشوور پرۆژەی نیشتەجیبۊن گەپیگ دروسکرێد، ک لە ساڵ 2025 تەواو بوود و توان لەخوەیگردن 10 هەزار دانیشتوان دیرێد.
دروسکردن ئی شارە بان ئاو کەفتگە، جۊر چارەسەریگ دانریەێد ئەرا ئەو ناوچەیلە لە کنار دەریان و لەوەر ئاڵشتبۊین کەشوهەوا رخ نقوم بۊین دیرن.
وەگورەی ئەو نەخشە ک ئەرا شارەگە کیشیایە، شارەگە ها رۊی ئاو و نوای شەپۆل گرێد و نقوم نێود.
پرۆژەگە ناوی "ئۆوشیانیکس" لەلینریایە و لە کەنار کۆریای باشوور دروس کرێد، وە هەماهەنگی لەنوان شارەوانی بوسان و دەزگای گەشەپێدان شارستانی نەتەوە یەکگرتگەیل کار لەلی کریەێد.
ماڵەیل پرۆژەگە شیوەی سەکوو بان ئاوی کریانە، ئەرا ئەوەگ دۊیایی گلەوخواردنییان ئەرا شۊن خوەیان ئاسان بوود، رووبەر هەر کۊچەیگ لەی پرۆژە نزیکەی 5 دۆنم بەێد و شۊن 300 کەس بوودەو، بڕیگ لە باڵەخانەەیلە رەسێدە 7 ژوور.
