مۆسیقا لە سەردەم میسر کۆن

شەفەق نیوز/ میسریەیل لە ژیان رووژانەیان لە وەخت خوەشی و ناخوەشیەیلیان یا لە پرسە و سویرەیلیان مۆسیقا وەکارهاوردنە، ئەرا هەریەکلەو بوونەیلە مۆسیقای تایبەت وە خوەیان داشتنە هەڵپەرکە و سەمایش وەگەردی بویە.

بیجگە لەئامێرەیل مۆسیقا دهوڵ و زوڕنا و دەف و دومبگ ئامێریگ بویە وەناو "هارب"، ئی ئامێرە ژێدارە هەر جویر عود و ساز و قانوون وە لەرزانن ژێیەیلە لەبانەو ئەرا خوار دەنگ دەرکردیە.

هارب 10 ژێ داشتیە وەپی وتنەس قیسارەی میسڕی مێژووەگەی گلەوخوەێد ئەرا 4500 ساڵ وەرجە ئیسە لەسەر خیزان یەکەم فرعەونیەیل میسر.

تیپ موسیقا و تیپەیل سەماکردن، مەشق و راهێنان ئەنجام دانە، لە فرەیگ وەختیل، کاهینەیل فرە جار لە بوونەیل ئاینی لە ئاهەنگ سازکردنە ک بەشیگ بووی لە عیبادەت و خوداپەرستی.

یەکیگ لە خودایەیل میسر کۆن ناوی (ئۆزێریس) بویە وە خواوەند موسیقا و گورانی وشیعر و سویر و خوەشی دانریایە.