مەسڵەتیگ کوردی
کەڵهوەن بچەقێ ئەوسا وه‌هارە"
یەکێ له مەسڵه‌تەیل ڕەسەن کوردەوارییه ک ئاماژه وه هاتن وەرز وەهار دێرێ.
لەێ مەسڵه‌تە وه جوانی له وشە‌یل ڕەنگین سەبارەت وه دار و درەخت و سرووشت کەڵک گریایه. جوور تنگس، ک وه بنجگەیل دڕگین له کۊیه ئۊشن یا وایه‌م کۊیەی ک له سرووشت دەور خوەمان وه ژمار فەره دیارییه، یا کەڵهوەن ک وه دار پیر و سن دار وەن ئۊشن.
وه ڕووناکی لەی مەسڵه‌تە دیاره ک چەقین دار وەن یەکێ له نیشانەیل سەرەکی هاتن وەرز وەهاره، وه لەیەو دۊیاس ک که‌شوهەوا وه‌رەو گەرما چوود، چۊن وه‌ڕاس دارەیلێگ جوور تنگس، وایه‌م، کەیکوو و... کەمێگ زۊتر له دارەیل ترەک چنە پیری وەهارەو.
تۊیەنیم بۊشیم ک مدوو تر ئڕا وه کار بردن ئێ مەسڵه‌ته له جییێگه ک مەردم له باوەت سەرما و زقوم خواردن هۊردار خوەیان بوون و گووڵ چەن سات هوای گەرم ڕووژەیل سەرەتایی وه‌هاره نەخوەن.
عەلی هەنین/ شاباد
