مۆسکۆ کارکەێد ئەرا دوارە دروسکردن ماشین مۆسکۆڤیچی
شەفەق نیوز/ سەرۆک شاراوانی مۆسکۆ راگەیان کارکەن ئەرا دوارە دروسکردن ماشین مۆسکۆڤیچی سەردەم سۆڤیەت وەرین، یەیش لەدویای ئەوەگ کۆمپانیای رینۆی فەرەنسی لە وڵاتەگە کیشادەو.
سێرجی سوبیانین سەرۆک شارەوان مۆسکۆ راگەیان، لە مانگ کانون یەکەم ئەمساڵ روسیا پلان ئەرا دووارە دروسکردن ماشین "مۆسکفیتچ" دانەێد ک چوودەو ئەرا سەردەم سۆڤیەت و یەیش لەمەوقەیگ تێەێد لەدویای وسیان شەش مانگ لە کارەیل کۆمپانیای رینۆی فەرەنسی.
کۆمپانیای رینۆ بەش فرەیگ کۆمپانیای "ئاڤتۆڤازی" بەرهەماوەرد ماشین روسی وەرانوەر وە یەک روبڵ ک کەێدە ٠،٠١٦ دۆلار وە روسیا فروش وە مەرج دوارە سەنینی لەدویای شەش ساڵ.
ئاژانس "ئینتەر فاکس" روسیش بڵاوکرد، ئمساڵ بەڵای کەرەسەیل مژار ماشین وەشیوەی وەرچەویگ داوەزی سەڕەڕای ئەوەگ روسیا کووشان کەێد لە مانگ تشرین دویەم ئمساڵ دوارە کارگەی "مۆسکڤیتچ" پیشەسازی ماشین وە هەمکاری وەزارەە پیشەسازی و بازرگانی وڵاتەگەی دووارە بخەێدە کار.
کارگەی "مۆسکۆڤیچ" راگەیانیە، نیاز دیرێد ئمساڵ نزیکەی 600 ماشین دروسبکەێد لە نیوانیان 200 ماشین کارەبایی وەرهەم تیرێد.
