مۆزەخانەی لۆڤەر خوازێد زیاتر لە یەک مەلیۆن یۆرۆ گردەو بکەێد تا پاکەتیگ جگارە بسینێد
شەفەق نیوز/ مۆزەخانەی لۆڤەر فەرەنسا، ئمڕوو سێشەممە، دەسکەێدە ١٣هەمین هەڵمەت ساڵانە ئەرا گردەوکردن پویل بەخشنەری لە چوارچێوەی هەڵمەت (تۆس میسین) تا بتوەنێد پاکەت جگارەی گرانیگ بسینێد، ک هین سیاسەتمەدار فەڕەنسی ئیتان دی شواسیۆل بویە، ک یەکیگ لە ناودیارترین وەزیرەیل سەردەم لویس پانزەهەم بویە.
موزەخانەگە ئومید دیرێد لەلای کەمەو ١،٢ مەلیۆن یۆرۆ گردەو بکەێد، تا ئەو پاکەت تەڵاییە بسینێد ک وە زەنگیانەی کریستال ڕەنگین کریاگە، ک چوودەو ئەرا سەدەی هەژدە.
ئیتیان دی شواسیۆل سیاسەتمەدار فەڕەنسییگ بوی، جویر سەربازیگ لە جەنگەیل نەمسا بویە، و سوود لە پەیوەندیی وەگەرد یارەگەی شاه لویس پانزەهەم گردیە، ئەراوە وەزوی پلەگەی ئەرا فەریق دویەم بەرزەو کریا.
دویای ئەوە بویە باڵوێز لە ڤیێنا وەرجەیەگ باێدەو ئەرا فەرەنسا و ئەرک وەزارەت سوپا بگرێد، ک خاسەوکردن فرەیگ لەناو سوپا کرد، و ریبەری جەنگ هەفت ساڵە کرد، و بویە راوێژکار نزیک وبرادەر شاه ئەرا نزیکەی هەفت ساڵ.
